Viaqua renova o seu programa de bolsas de apoio ao talento da mocidade

Viaqua vén de renovar o programa de bolsas “Talento Mozo”, en colaboración con Igaxes, asinando por segundo ano a alianza entre ambas entidades nun encontro celebrado en Santiago. Tras os bos resultados acadados no pasado ano, coa entrega dunha beca, dáselle continuidade a esta iniciativa, que ten como obxectivo acompañar a mozos cun alto rendemento escolar, pero con dificultades económicas, para que poidan realizar estudos universitarios.

Alumnos de Lamas de Abade y Antonio Fraguas, ganadores del Certame Literario de Viaqua

Eliminación de barreiras

Durante o acto de firma, o director executivo de Viaqua, Nicolás Esmorís, subliñou o compromiso da empresa coa xeración de oportunidades educativas. “Este programa permite aos estudantes acceder a unha formación universitaria, desenvolver habilidades relevantes e potenciar a súa futura inserción laboral, eliminando barreiras económicas e sociais”, afirmou.

Viaqua pone en marcha un plan en Santiago para evitar que 14 ‘puntos negros’ sufran inundaciones este invierno

Pola súa banda, Carlos Rosón, director de Igaxes, destacou a importancia de iniciativas coma esta, que permiten que mozas e mozos con expedientes académicos destacados poidan superar os obstáculos que lles impiden acceder aos recursos necesarios para o seu desenvolvemento académico. “Acceder a libros, material, transporte ou formación complementaria non debería ser un privilexio, senón un dereito. Este tipo de alianzas son clave para avanzar cara a unha sociedade máis xusta e equitativa”, comentou.

Bolsa anual de 1.500 euros

O estudante seleccionado no programa recibe unha bolsa anual, durante toda a carreira, por un importe de 1.500 euros para cubrir os gastos relacionados cos estudos. Ademais da axuda económica, ambas entidades coinciden no aspecto diferencial deste programa de contar cun plan de seguimento que inclúe apoio psicosocial e orientación académica para acompañar a persoa bolseira en todo o proceso de matriculación, xestión e desenvolvemento da súa traxectoria académica. No primeiro ano do programa, o estudante seleccionado puido participar en seminarios e talleres de diferentes temáticas así como acceder ao programa de Hábitos Saudables da empresa Viaqua.