Santiago
Rosón reclama informes técnicos que avalen os cambios en Virxe da Cerca
Os socialistas defenderán unha proposición no pleno de hoxe, no que tamén se tratará a ordenanza que culmina a regulación dos pisos turísticos
Vehículos circulando por Virxe da Cerca / Antonio Hernández
O concurso internacional de ideas para reformular a mobilidade na contorna da rúa da Senra, Virxe da Cerca e Basquiños será tratado no Pleno municipal de hoxe por iniciativa do PSOE. Os socialistas, «logo da polémica suscitada entre veciñanza e comerciantes», reclamarán informes técnicos e estudos multidisciplinares que valoren o impacto dos cambios que o Goberno local introduce nas bases do concurso, tanto na mobilidade como na actividade económica da zona.
A proposición, que será defendida pola concelleira Mercedes Rosón, chega despois de que os socialistas solicitaran «sen éxito» a documentación técnica que respaldaba cambios como o centrifugado do tráfico rodado que habitualmente transita Virxe da Cerca polas rúas de Castrón Douro ou as Trompas.
Efectos na mobilidade e no comercio
Deste xeito, os socialistas defenden que «dado o sensible do tema a debate, da importancia que ten o tramo e dos posibles efectos que pode traer a nivel de mobilidade pero tamén na actividade e dinamización comercial da zona os cambios que xa se dan por imprescindibles nas bases do concurso de ideas, semella ser preceptivo contar con informes e estudos que avalen que esas decisións son as correctas».
En definitiva, o PSOE buscará o acordo da Corporación Municipal, tamén para que se garanta a «transparencia e diálogo» de todo o proceso, «poñendo a disposición das veciñas e veciños de Santiago os estudos e conclusións alcanzadas, así como fomentando espazos de diálogo directo coa cidadanía máis afectada».
Vivendas de uso turístico
O Pleno tamén deberá pronunciarse, entre outros asuntos, sobre a ordenanza coa que se culmina a regulación das vivendas de uso turístico, que previsiblemente será aprobada co apoio dos socialistas.
Precisamente este respaldo á medida proposta polo Goberno local provocou unha ruptura entre o grupo municipal e a dirección do partido, que aínda está pendente de resolverse. Na sesión plenaria está previsto que interveñan colectivos afectados pola ordenanza.
- Una cooperativa de viviendas en Santiago, preseleccionada al Premio Mies van der Rohe entre obras de toda Europa
- El restaurante de Santiago con el menú degustación más barato
- La futura apertura de un Starbucks en el local del emblemático Alameda enciende las redes
- Del magosto de Sar a la fiesta de Conxo: castañas, foliada, un bingo y churrasco 'a fartar' este sábado en Santiago
- Muere el empresario Emilio Bouzas Cajuso, muy conocido en el Ensanche de Santiago
- Crónica social compostelana | El Secreto de San Lázaro: desayunos, vinos y cócteles con alma compostelana
- Talan sin previo aviso un histórico abeto del campo de fútbol de Conxo: 'Me han enterrado a un amigo dos veces
- As Cancelas revela al primer artista confirmado para su festival de música gratuito
