O PP reclama melloras na limpeza da zona de Combarro, no barrio do Castiñeiriño
A concelleira Olaya Otero pídelle ao BNG que escoite as demandas da veciñanza e traballe para «dar resposta as súas necesidades e problemas»
Os veciños do Castiñeiriño denuncian que as obras do AVE están a provocar inundacións nas súas propiedades / Cedida
ECG
Ante as demandas da veciñanza de melloras na limpeza da zona de Combarro, no barrio do Castiñeiriño de Santiago, a concelleira do Partido Popular, Olaya Otero, vén de reclamarlle ao BNG que tome medidas neste sentido, e acusa as nacionalistas de indiferenza e falta de comunicación cos afectados.
A edil subliña que «en varias ocasións, solicitaron a limpeza de rúas e prazas, onde se acumulan follas e ramas de árbores que, por segundo ano, están sen rozar, polo que a vexetación que cae podrece, xerando residuos e a presenza de insectos, ademais de inseguridade para os peóns, ao volver o chan moi esvaradío».
«Como ocorre en innumerables barrios e parroquias de Compostela, -segundo apunta- a veciñanza pide a limpeza das gabias e a retirada dos restos que se producen cando se levan a cabo, xa que ao non realizarse, os restos impiden a evacuación da auga, polo que se anegan as estradas e, neste caso concreto, nalgunhas das casas do Casal, incluso, entra nas vivendas».
Incide en que «a veciñanza tamén solicita que se coloquen máis contedores, xa que son claramente insuficientes en todas as súas versións: reciclaxe de papel, vidro, restos, etc...».
Por outra banda, Olaya Otero solicita que fagan intervencións para corrixir o lamentable estado no que se atopa o trazado da rúa do Casal do Castiñeiriño, no que indica que despois de anos sen que se leve a cabo ningún tipo de mantemento, é practicamente imposible transitar.
«A veciñanza di sentirse completamente abandonada e fai fincapé en que, dende o BNG, ninguén escoita as súas demandas, a pesar de que, simplemente, reclaman o acceso, en adecuadas condicións a servizos básicos», asegura a concelleira do PP, e engade que os residentes da zona «consideran moi inxusto que pese a cumprir coas súas obrigas, en canto ao pago de impostos, non poidan ter acceso a estes servizos nas mesmas condicións» que noutras zonas de Santiago.
- Viajar en coche de Santiago a Vigo o A Coruña por la AP-9 supera el coste de un vuelo de ida y vuelta a Barcelona
- Rosa Crujeiras se convierte en la primera rectora de la USC en sus 531 años de historia
- Alivio' de los precios de la gasolina en Santiago: la mayor liberación de la historia de reservas de petróleo por parte de la AIE ya se nota en los bolsillos de los compostelanos
- Tiendas y bares del aeropuerto de Santiago perderán más de 5 millones por el cierre por obras durante 35 días
- El brunch más campero aterriza en Santiago: 16 tipos de tostadas y 10 de tortitas para desayunar entre animales de granja
- Cuando el periodista Fernando Ónega ganó dos premios Minerva en Santiago
- La Fiscalía pide cuatro años de prisión para un acusado de falsificar documentos para apropiarse de herencias de emigrantes gallegos en Santiago
- Correos cierra su oficina de O Restollal, en Santiago, ante la 'bajada de la actividad”
