A USC recoñece a 120 traballadores con máis de trinta anos de adicación

A Universidade de Santiago impuxo onte súa Insignia Fonseca a un total de 120 integrantes do seu cadro de persoal que levan máis de trinta anos de traballo. Nesta ocasión foron 73 persoas do colectivo de Persoal de Administración e Servizos e 47 docentes. A entrega tivo lugar nun concorrido acto institucional no Salón Nobre do Colexio de Fonseca.

O acto presidiuno o reitor Antonio López, a quen acompañaron varios membros do equipo reitoral, quen quixo recoñecer a dedicación «e o bo servizo» á Universidade de Santiago de todas as persoas homenaxeadas. «A USC atesoura moita experiencia, acreditada por todas e todos os que estades aquí e da que o prestixio da institución pode dar boa conta», manifestou. Lembrou ademais que os 30 anos recoñecidos foron «probablemente» o período de «maior transformación da Universidade en toda a súa historia», e fixo referencia aos primeiros anos dende a segregación universitaria, os avances en igualdade ou as novas tecnoloxías, «ademais de asentarse o noso compromiso con Galicia».

Tres estudiantes de la USC copan el podio gallego de los premios fin de carrera

En representación do PAS interveu a directora da Biblioteca Universitaria, María Isabel Casal Reyes, quen animou a «manter intacto o noso compromiso coa Universidade, con rigor e humildade e seguir exercendo a nosa tarefa profesional con honestidade e con sentido de lealdade institucional». Casal Reyes destacou que «todos nós construímos día a día a USC» para lanzar unha mensaxe: «non nos resignemos, non perdamos ese sentido de pertenza e convertámonos en referencia para as xeracións que veñen».

Pola súa parte, o profesor Luis Quintela interveu en representación do profesorado facendo un relato de como cambiou a docencia nas últimas tres décadas. Pasouse da «obrigada» adaptación a Bolonia e «todas as dificultades que trouxo polos escasos recursos dos que dispoñiamos» ás novas formas de traballo e a interacción co estudantado, que chega cunhas «enormes habilidades tecnolóxicas e unha mentalidade global á que temos que acostumarnos», mencionou. Quintela concluíu a súa intervención destacando que «antes, a primeira fonte de información era o profesor; hoxe, a información está dispoñible a un clic».

Suscríbete para seguir leyendo