Resolver os problemas da rotonda do Vieiro, un dos propósitos de Raxoi para 2025

O Goberno local de Santiago organizou este venres un almorzo informativo para dar conta dos seus proxectos prioritarios a desenvolver no ano que agora comeza. Entre eles, e tamén ao fío destes últimos días de intensas precipitacións, está a resolución dos problemas de asolagamento que, "sobre todo nos últimos tempos", di a alcaldesa Goretti Sanmartín, afectan especialmente á rotonda do Vieiro, entre a zona de Fontiñas e Fontes do Sar.

Una tromba de agua desata el diluvio en Santiago: «É a cuarta vez que cambio a cociña»

"Conseguir máis fondos e colaboración doutras administracións para previr os asolagamentos na rotonda do Vieiro" é un dos obxectivos de Raxoi para 2025, segundo explicou a propia rexedora. "Temos un estudo feito para desenvolver unha serie de accións necesarias e facer unha intervención que permita que esa zona poida filtrar a cantidade de auga que se produce en determinados momentos".

FOTOGALERÍA | Así han sido las inundaciones y desbordamientos en Santiago

Ver galería

A alcaldesa de Santiago explicou que o Goberno local está a procurar a colaboración de Augas de Galicia para este proxecto, que ten un custo estimado de arredor do millón de euros, "que non pode asumir exclusivamente o Concello". Sanmartín explicou que Raxoi xa conta para este proxecto coa "vontade de colaborar da Deputación da Coruña" pero non é aínda así por parte da Xunta de Galicia, "para paliar os problemas de saneamento desa zona queremos seguir colaborando con outras administracións", insistiu.

Lluvia extrema en Santiago: ¿un efecto del cambio climático?

Uns problemas de saneamento para os que a Xunta convidou o Concello a finais de 2023 a aproveitar os traballos que ía realizar na zona en relación coa senda verde que vai unir Compostela e O Milladoiro (Ames). Unha solución provisional que consistiu na instalación dun by-pass que separe augas residuais e pluviais e que tiña previsto "prolongar as tuberías da avenida de Lugo para levalas a Batalla de Clavijo", explicaba a EL CORREO GALLEGO, o concelleiro de Obras, Xesús Domínguez naquela altura, co obxectivo de chegar ao tanque de tormentas e a Sar.