Gonzalo Muíños e o sacrificio político

Gonzalo Muíños (Santiago, 1969) criouse no barrio de San Pedro e estudou no colexio La Salle. Durante 20 anos foi o responsable de Calidad e Medio Ambiente de Autos Lobelle e entre 2002 e 2011 asumiu a xerencia do Club Lobelle de fútbol sala. Foi nese último ano, 2011, cando deu o salto á política integrando a lista electoral do socialista Xosé Sánchez Bugallo.

A entrada de Muíños na política municipal foi na bancada da oposición. Primeiro no goberno de maioría do Partido Popular, no que a corrupción causou, entre outros cousas, que Santiago tivese en catro anos tres alcaldes: Gerardo Conde Roa, Ángel Currás e Agustín Hernández.

El PSOE suspende año y medio a Gonzalo Muíños y sacude los cimientos de Raxoi

A lexislatura de 2015 a 2019 foi a de Compostela Aberta, liderada por Martiño Noriega e co PSOE tamén na oposición. No final deste mandato foi cando Sánchez Bugallo volveu acadar a alcaldía compostelá e, con el, Gonzalo Muíños asumiu a Concellería de Mobilidade, Seguridade cidadá, Barrios, Obras e Relacións veciñais.

En 2023 Bugallo volveu perder o poder e chegou á alcaldía de Compostela a súa primeira alcaldesa, a nacionalista Goretti Sanmartín que conta co apoio de CA nun goberno en minoría ten o PSOE como principal aliado.

Gonzalo Muíños foi, neste ano e medio de lexislatura, o voceiro do grupo municipal socialista. A finais de 2023, PSOE e Goberno bipartito asinaban o acordo de aprobación dos orzamentos municipais, e quen rubricaba o pacto era Aitor Bouza, secretario xeral dos socialistas composteláns, sen acta de concelleiro no Pazo de Raxoi ao non ter concorrido nas listas electorais.

A división no PSOE de Santiago comezaba a ser visible, por unha banda a secretaría xeral, e pola outro o grupo municipal de Raxoi. O cisma producíase en xuño do ano pasado, cando o Pleno municipal votaba a ordenanza reguladora das VUT (vivendas de uso turístico). A directriz da secretaría xeral de Santiago era a abstención, pero o grupo municipal apoiou a iniciativa do Goberno local e votou a favor. A ordenanza saíu aprobada cos votos de Partido Popular en contra.

Bugallo rechaza la suspensión de Muíños: “Defrauda a la mayoría de los electores”

Esta actitude dos edís do grupo municipal socialista valeulle a Muíños a apertura de expediente dende a secretaría xeral (logo seguríao a edil Mercedes Rosón), medida que o grupo municipal asumiu que afectaba ao colectivo.

Pero a situación de Muíños era máis complexa, pois abriuselle expediente disciplinario pola votación das VUT mais tamén por negarse a substituír a súa xefa de gabinete e o seu xefe de prensa, ambos cargos de confianza que a secretaría xeral quería renovar.

Dende entón, poucas foron as intervencións públicas de Muíños a este respecto, sen embargo, si chegou a manifestar que se era expulsado do partido mantería a súa acta de concelleiro. A expulsión, non é tal, senón unha inhabilitación por 19 meses. Pero a resolución non é definitiva e hai dez días de prazo para alegar ante a Comisión de garantías, e pese a que a Executiva local nomeou a Guinarte como novo portavoz, a maioría do grupo xa manifestou que segue a considerar que o voceiro é Gonzalo Muíños, a persoa que o pasado martes asinaba con Goretti Sanmartín e María Rozas o pacto para a aprobación dos orzamentos municipais de 2025.