Críticas a Raxoi pola ausencia de cláusulas sociais no contrato de recollida do aceite usado

A Plataforma polo Emprego vén de denunciar o «incumprimento dos compromisos» adquiridos polo Concello de Santiago coa entidade Compostela Inserta ao poñer en marcha un procedemento para adxudicar a recollida de aceite vexetal usado sen incluir cláusulas sociais nos pregos. Ademais, sinalan que a forma na que está formulada a licitación implica a «exclusión» da empresa de economía social porque lles ocasionaría uns custes inasumibles.

Veintisiete empresas de economía social recibirán subvenciones de hasta 5.000 €

Compostela Inserta, que ten como obxectivo a inserción socio-laboral de persoas en situación de pobreza e exclusión social, realiza este servizo desde o ano 2006 en lugares como os centros socioculturais. Coa chegada dunha normativa que obriga a que a recolección destes residuos se faga en contenedores instalados na rúa, aspiraba a facerse cargo nesta nova modalidade aumentando o número de persoas empregadas.

Desenvolvemento do proceso

Segundo explica o presidente da lataforma polo Emprego, Miguel Fernández, «estabamos tranquilos porque esperabamos que o Concello se dirixira a nós e nos explicara como tiña pensado facer, pero enterámonos pola prensa da apertura dunha licitación en novembro».

A partir dese momento, producíronse reunións para «intentar reverter» a situación. Fernández indica que tiñan que presentar unhas alegacións aos pregos, pero «resulta que parece que o que presentamos non foron exactamente alegacións, senón un recurso, e iso tiña outros prazos», polo que foi finalmente inadmitido esta mesma semana.

Búsqueda de alternativas

Fernández apunta que as condicións establecidas nos pregos implican un investimentos só nos colectores de 40.000 euros, o que provoca que unha entidade das características de Compostela Inserta non poida optar a facerse cargo. «O que nos traslada o Concello é que non atoparon unha alternativa para poder facelo con Compostela Inserta. O problema foi non contactar con nós nese momento para ver cal podería ser a alternativa», indica Fernández.

El trabajo, más que un empleo si se sufre daño cerebral adquirido

A modalidade do concerto social ou buscar subvencións por parte doutras administracións son as opcións que consideran na Plataforma polo Emprego que se poderían ter explorado. «Supoño que intentarán ver se hai posibilidade de colaboración coa empresa que se faga cargo, pero son migallas», critica Fernández.

Raxoi reivindica o seu compromiso coa inserción

Pola súa banda, fontes de Raxoi consultadas por este diario sinalan que, á hora de abordar a licitación do servizo, exploraron a posibilidade de realizar un contrato reservado a un centro de emprego ou empresa de inserción, «sen que conste en Galicia ningunha empresa destas características que se puidese facer cargo».

Segundas oportunidades en Santiago para los adultos sin formación básica

As mesmas fontes remarcan que o goberno local «ten un firme compromiso coas entidades sociais e, singularmente, coa inserción laboral de todos os colectivos máis desfavorecidos». Nesta liña, poñen como exemplo os contratos adxudicados recentemente para pintado de bancos ou limpeza de lavadoiros, que se suman a outros como a recollida de téxtiles (Arroupa), de papel e cartón (Coregal) e de mantemento dalgunhas zonas verdes.