Acordo para financiar un novo tramo da Vía Verde do Tambre ao seu paso por Santiago

A alcaldesa de Santiago, Goretti Sanmartín, e o presidente da Deputación da Coruña, Valentín González Formoso, asinaron este luns na sede da institución provincial o convenio para financiar o tramo 2.1 da Vía Verde Compostela-Tambre-Lengüelle. Para este fin, a entidade provincial aportará 289.216,39 euros con cargo ao Plan de Sostibilidade Turística en Destino (PSTD) da Vía Verde, dentro do Plan de Recuperación, Transformación e Resiliencia con fondos Next Generation EU.

La Vía Verde del Tambre se digitaliza y permite nuevos recorridos inmersivos

O treito 2.1 da Vía Verde, que discorre ao completo polo termo municipal de Santiago, conta cunha lonxitude a acondicionar de 3.170 metros, dende o punto quilométrico 7+010, no acceso á aldea de Ramelle, ao 10+180, na ponte sobre o río Tambre. Neste tramo contémplanse as obras necesarias para o uso do trazado por cicloturistas e camiñantes, con actuacións sobre o firme e a drenaxe, ou a construción de muros, varandas e outros elementos de seguridade.

Primeiro paso para completar a vía

Este proxecto é a primeira das dúas subfases necesarias para completar o tramo II da Vía Verde, a parte que resta para completar dita infraestrutura. As obras no primeiro tramo en Compostela, que van dende a estación da Sionlla ata o punto quilométrico 2+200, arrincaron a finais de setembro de 2024, iniciando a conexión da cidade de Santiago coa ruta, e avanzan a bo ritmo.

Comezan as obras da Vía Verde na Sionlla cunha demora de máis dun ano do anunciado

En total, o conxunto das actuacións nos tramos I e II suporán un investimento de máis de 1,8 millóns de euros e permitirán sumar 10 quilómetros máis aos 26 que xa compoñen a Vía Verde, a maior de Galicia, atravesando os concellos de Oroso, Ordes, Tordoia e Cerceda.

Formoso indicou que con este convenio "damos un paso máis para conectar a cidade de Santiago coa maior Verde de Galicia e completar os 36 quilómetros dun itinerario que non só recupera a historia e patrimonio ferroviario da comarca, senón que xa é unha referencia no ámbito da mobilidade sostible e un lugar para o lecer e a práctica do deporte en plena natureza para miles de usuarios".

Festival Rosalía

Sanmartín e Formoso asinaron tamén, xunto coa deputada de Cultura, Natividade González, o convenio de colaboración para o Festival Rosalía, que se celebra do 21 ao 23 de febreiro en Santiago, e que financia a institución provincial con 58.226 euros.

Música, teatro e moita poesía para reivindicar a Rosalía «rebelde, moderna e feminista»

Baixo o lema 'Sen pombas nin flores', inspirado nun verso rosaliano tirado de Follas Novas, desenvolverase un amplo programa que inclúe visitas guiadas á casa da autora en Padrón, recitais, animación de rúa, concertos e teatro nas rúas de Compostela.

O Festival Rosalía inclúe este ano presentacións como Somos Pandereteiras, proxecto promovido por Mercedes Peón, ou espectáculos poético-musicais como A Primavera vai chegar, de Faia Díaz, Paula Romero e Inés Salvado.