O PSOE pide liberar de pintadas o espazo público compostelán

O grupo municipal socialista preguntaba este luns ao Goberno local polo servizo gratuíto posto en marcha en 2021 para atallar a proliferación de pintadas e atender solicitudes de limpeza de particulares. O interrogante poñíao enriba da mesa a concelleira Mila Castro, «logo de recibir diferentes denuncias da veciñanza advertindo» do incremento de grafitis e pintadas no espazo público e, particularmente, na cidade histórica».

Nueva pintada en Praterías: el patrimonio histórico de Santiago vuelve a sufrir la inconsciencia de la gente

Castro referiuse ao servizo gratuíto de limpeza recalcando que «é un servizo que funcionou moi ben, chegando a atender arredor de 10 pintadas por semana e que permite actuar nas fachadas privadas». A edil xa preguntou por esta cuestión en abril do ano pasado e denuncia que «dende entón non só non se percibiron pasos adiante, senón que a situación de descoido do espazo público foi a máis». 

Este programa de actuación sobre fachadas privadas a instancia de particulares púxose en marcha no último mandato socialista e no ano 2023 realizou máis de 300 actuacións. Agora, o PSOE reclama «coñecer se houbo avances para darlle continuidade ao programa» e quere «coñecer os plans do Executivo de Sanmartín para poder actuar sobre estes espazos nos que non pode facelo o servizo ligado á empresa concesionaria da limpeza viaria».