Máis dun cento de propostas pasan á fase decisiva dos Orzamentos Participativos de Santiago

Os Orzamentos Participativos da área de Mocidade do Concello de Santiago entraron onte na fase de votación para decidir o destino de 100.000 euros do presuposto municipal. Os mozos e mozas poderán elixir entre máis dun cento de propostas de diferentes áreas temáticas, e as máis votadas executaránse ao longo do ano. A concelleira de Dereitos e Servizos Sociais, Promoción Económica e Xuventude, María Rozas, explicou en rolda de prensa o proceso de votación, que se prolongará ata o 24 de marzo.

Cine, música, coidados dos animais e saúde mental: o que máis interesa á mocidade compostelá

Variedade e calidade

Rozas salientou que o proceso «volve rachar cos estereotipos e demóstranos que a mocidade quere participar na vida pública». Nese sentido, incidiu na «variedade e na calidade das propostas recibidas», que atenden a áreas temáticas moi diferentes, e que poñen de relevo «que temos unha mocidade con moitos intereses e cunha consciencia social, que temos que atender desde as administracións». A concelleira incidiu en que «os Orzamentos Participativos son unha ferramenta para termos unha democracia máis participativa, que non se limite a depositar un voto cada 4 anos, e que permite que os mozos e mozas teñan capacidade de decisión».

Factoría Moza en Salgueiriños: un espacio con música, deporte y coworking que costará 4,5 millones

As propostas sometidas a votación están agrupadas en dez áreas temáticas diferentes. As que mási achegas teñen son as de deportes, pero tamén hai proposta sobre música, cine, gastronomía, tecnoloxía, medio ambiente, animais, igualdade, inclusión social e emprego.

Vías de participación

Nesta edición dos Orzamentos Participativos presentáronse un total de 179 propostas, das que foron validadas as 159 que cumprían os requisitos técnicos ou que non foron retiradas polas persoas propoñentes. As propostas similares foron agrupadas, de maneira que finalmente son 103 as sometidas a votación. Poderán participar os mozos e mozas nacidos entre 1995 e 2009 censados en Santiago a través da web decide.santiagodecompostela.gal.

Santiago aprueba el presupuesto más alto de su historia con un pacto que evidencia la crisis del PSOE local

Ademais, habilitaránse puntos de votación presencial en diferentes espazos vinculados á Universidade de Santiago. O primeiro será o xoves, 6 de marzo, na Facultade de Ciencias Políticas de 11:00 a 14:00 horas, e na biblioteca Concepción Arenal pola tarde, de 16:00 a 19:00 horas.

O departamento de Mocidade executará as propostas máis votadas, ata completar o orzamento de 100.000 euros asignado aos Orzamentos Participativos. Na edición anterior puideron desenvolverse un total de dez propostas.