A UMAD actúa en Santa Marta a través do programa de intercambio de xiringas

A concelleira de UMAD -Unidade Municipal de Atención a Drogodependencias-, Pilar Lueiro, referiuse ao remate dunha rolda de prensa ás actuacións da unidade de atención a drogodependentes en Santa Marta. «A UMAD non é o problema», asegurou a edil, «é parte da solución». «Hai un programa en marcha, ao que non imos darlle publicidade porque non sería beneficioso», aclarou Lueiro en relación con actuacións que requiren discreción para non resultaren disuasorias para as persoas ás que se pretende chegar. 

Santa Marta se moviliza contra la venta de droga en el Banco do Pobre y la avenida de Bilbao: "No pararemos hasta que se desmantele"

Lueiro indicou tamén que no barrio de Santa Marta se está a levar a cabo o programa de intercambio de xiringas, que se realiza tamén na UMAD, «dende hai anos, cada vez que se entrega unha xiringa usada dáselle outra, é unha maneira tamén de que non queden restos por aí tirados». A edil insistiu en que o problema de Santa Marta «vén de hai moitísimos anos e agora incrementouse», pero a respecto da intervención da unidade nesa zona lembrou que «para ser usuario da UMAD hai que querer selo», en relación coa voluntariedade necesaria para a desintoxicación.

A respecto da situación da UMAD, Pilar Lueiro reivindicou que «non está desmantelada, seguimos atendendo o mesmo número de pacientes que se atendía nos anos anteriores». Na actualidade hai un psiquiatra por horas e este mesmo mércores incorporouse unha psicóloga clínica. «Temos o compromiso da Xunta para repoñer as persoas que se xubilan, e reiteraremos as peticións», indicou.