Santiago
Unha empresa con sede en Granada faise coa concesión da recollida de aceite usado de Santiago
A entidade pagará un canon de 15.200 euros logo de que Raxoi recibira críticas pola «exclusión» de Compostela Inserta do proceso ao non incluír cláusulas sociais
Operarios realizan a recollida de aceite usado en Santiago / Cedida
A Xunta de Goberno do Concello de Santiago acordou este luns a adxudicación do contrato para a recollida de aceite de cociña usado a pé de rúa á empresa East West Productos Textiles. A entidade, con sede en Granada e especializada na reciclaxe de roupa e aceite, aboará un canon de 15.200 euros pola ocupación do espazo público para instalar os colectores durante os dous próximos anos.
Críticas a Raxoi
A concesión deste servizo vén precedida das críticas verquidas contra o goberno local por parte da Plataforma polo Emprego, que denunciou o «incumprimento dos compromisos» adquiridos polo Concello coa entidade Compostela Inserta –que realiza a recollida de aceite en espazos interiores como os centros socioculturais– ao non incluír cláusulas sociais nos pregos.
A Plataforma polo Emprego sinalou cando se lanzou o procedemento que a fórmula escollida para a licitación implica a «exclusión» da empresa de economía social ao ocasionarlles uns custes inasumibles.
Investimento alto
Segundo explicou a este diario o presidente da plataforma, Miguel Fernández, as condicións establecidas implicaban un investimento só nos colectores de 40.000 euros, o que supón que Compostela Inserta non poida competir.
Ante as críticas, Raxoi sinalou que barallou realizar un contrato reservado a un centro de emprego ou empresa de inserción, «sen que conste en Galicia ningunha empresa destas características que se puidese facer cargo».
- La CIG mantiene la huelga indefinida en los autobuses de Santiago a partir del miércoles, mientras UGT y CCOO la aplazan
- La ruptura sindical marca la huelga de autobuses en Santiago con el foco en una nueva reunión
- Nueva huelga de buses en Santiago sin los servicios mínimos al completo: 'Llego una hora tarde a trabajar
- Estos son los servicios mínimos de los buses de Santiago a partir de este miércoles ante la huelga indefinida
- Una tienda de Santiago cierra 'hasta que escampe': 'No quiero coger una depresión
- Evacuada la Comisaría de Santiago por un incendio
- Un incendio en el centro comercial As Cancelas, en Santiago, obliga a desalojar el edificio: 'Se escucharon explosiones en la cubierta
- Aplazada la huelga indefinida de autobuses en Santiago, aunque sigue sin haber acuerdo
