Raxoi aproba a contratación da conservación e o mantemento das áreas de xogo infantís por 1,2 millóns de euros

A xunta de goberno deste luns 28 de abril vén de aprobar o expediente de contratación para o servizo de conservación e mantemento integral das áreas de xogo infantís. Unhas actuacións para as que se establece un orzamento base de licitación de 1.236.111 euros e que xa adiantara en decembro o concelleiros de Obras, Xesús Domínguez, que aproveitaba para indicar o deterioro destes parques por mor da falta de mantemento e mais das inclemencias meteorolóxicas.

Raxoi prepara un contrato multianual para el mantenimiento de los parques infantiles de Santiago

Esta aprobación deuna a coñecer coma cada semana a edil de Capital cultural, Míriam Louzao, que indicou que a partida orzamentaria se distribuirá entre 2025 e 2028 e tamén que "se actuará sobre 90 instalacións de xogo infantil e 27 áreas biosaudables".

Iníciase agora un procedemento aberto de adxudicación con ese gasto autorizado de 1.236.111 euros que se repartirán da seguinte maneira: neste mesmo ano, a partida é de 274.691 euros; en 2026 a cifra será de 412.037; ao ano seguinte corresponde unha contía idéntica; e en 2028, a cifra vai ser de 147.345 euros.

A concelleira indicou tamén en rolda de prensa, que unha vez adxudicado este servicio de conservación e mantemento, o gasto de exercicios futuros queda subordinado ao crédito que para cada exercicio se autorice no respectivo orzamento.