O Concello reafirma o seu apoio á asociación Dano Cerebral Santiago

A alcaldesa de Santiago, Goretti Sanmartín, e a tenenta de alcaldesa, María Rozas, reiteraron este xoves o compromiso de colaboración do Goberno municipal coa asociación Dano Cerebral Santiago, que está a celebrar o seu 25 aniversario. Foi no transcurso da visita que realizaron á entidade, na que puideron comprobar a boa marcha das obras de ampliación da súa sede, que se están executando nunha parcela cedida polo Concello.

Sarela espera rematar en tres años la ampliación de su sede, ya en obras

A alcaldesa loubou o traballo da entidade, «que é unha referencia máis alá de Compostela, e coa que temos toda a vontade de seguir colaborando». Sanmartín lembrou que este ano, a Concellaría de Dereitos e Servizos Sociais incrementou notablemente a subvención nominativa que recibe a asociación, que chegou aos 8.000 euros. Ademais, a rexedora ofreceu o apoio do Concello «como ponte para reforzar a colaboración con outras administracións».

Mellora da atención

O presidente de Dano Cerebral Santiago, Luciano Fernández, explicou que a asociación atende cada día a unhas 120 persoas da área sanitaria, a través do seu centro de día e dos diferentes programas que ofrece.

Dano Cerebral Santiago nombra presidente a Luciano Fernández

Sanmartín e Rozas aproveitaron a visita para manter unha xuntanza de traballo coa directiva da asociación. Tamén visitaron as obras de ampliación, que se están levando a cabo nunha parcela municipal. O obxectivo destes traballos é a mellora dos servizos que presta a asociación a persoas e familias con dano cerebral.