Raxoi dá luz verde ás obras da urbanización exterior da plataforma loxística

A construcción da nova plataforma loxística, coa que se pretende cambiar o sistema de reparto de mercadorías no casco histórico de Santiago, está en marcha desde finais do ano pasado, pero tamén é preciso acondicionar as conexións coas zonas colindantes. Con este propósito, o executivo municipal aprobou onte en Xunta de Goberno o expediente de contratación da urbanización exterior, que contará cun orzamento de 629.181,26 euros.

Sanmartín ya tiene en mente la fecha para poner en marcha el nuevo reparto de mercancías

Segundo explicou a voceira de Raxoi, Míriam Louzao, a conexión co centro loxístico inclúe unha glorieta na que conflúe a Vía de La Cierva co eixo do recinto. Ademais, amplíase a sección da calzada existente, con dous carrís, un por cada sentido, de 3,5 m de ancho e beiravía de 0,5 m pola marxe esquerda e unha zona de aparcamento de 2,2 m de ancho e beirarrúa de 2 m pola marxe dereita, de forma que o ancho total da plataforma será de 12 metros. A beirarrúa da marxe dereita será de formigón coloreado para integrarse coa senda peonil prevista desde o Polígono do Tambre ata o Centro Sociocultural da Gracia.

A actuación inclúe tamén a rede de saneamento separativa, a rede de abastecemento, a canalización eléctrica de media e baixa tensión e a rede de telecomunicacións.

Centros educativos

Por outra banda, Louzao informou da revisión da memoria técnica para a cuberta plana posterior do Polideportivo do CEIP Pío XII. O proxecto inicial de decembro de 2024 tiña un orzamento de execución material de 50.967,36 euros pero a licitación quedou deserta. Agora, tras un axuste nos custos da man de obra para adaptalos ao mercado, esa cantidade ascende ata os 69.067,96 €, o que supón un orzamento base de licitación de 99.494,15 €.

Puesta a punto de trece centros educativos de Santiago con una inversión de 377.000 euros

No tocante a obras en centros educativos, Raxoi outorgou licenza para a reparación da cuberta do edificio do Colexio San Clemente. Esta actuación, que promove a Consellería de Educación, ten un orzamento de 482.874,59 euros e un prazo de execución previsto de catro meses.

Outros asuntos

O Concello tamén licitou o suministro de 44 ordenadores de sobremesa cos correspondentes monitores para varios centros socioculturais do ámbito rural, cun orzamento base de 27.418,60 euros financiado polo Plan provincial de cooperación ás obras e servizos de competencia municipal. Do mesmo xeito, validáronse os convenios para outorgar axudas a diferentes entidades sociais. 

Suscríbete para seguir leyendo