Continúa a incerteza sobre as facturas pendentes do transporte: Raxoi busca vías para tramitar o pago

Continúa a incerteza sobre o pago pendente de case 3 millóns en facturas do transporte urbano de Santiago. "É algo que se está a avaliar dende os servizos técnicos do Concello para ver que opcións hai para tramitar as facturas tendo en conta que o órgano competente para a súa aprobación é o pleno", comentou esta mañá María Rozas tras a rolda de prensa na que informou dos asuntos aprobados en Xunta de Goberno ordinaria. Foi no pleno do pasado xoves 26 de xuño cando se coñeceu a abstención dos catro edís non adscritos e os votos en contra do PP que fixeron insuficiente o respaldo de BNG, CA e PSOE para dar luz verde ao recoñecemento extraxudicial de crédito necesario para afrontar o pago. Rozas detallou que "cando teñamos máis avanzados os informes técnicos informarase que pode acontecer coa tramitación".

Nuevo varapalo al Bipartito: el PP y los ediles no adscritos tumban el pago de casi 3 millones en facturas del transporte urbano

Ao respecto, a concelleira de Servizos Sociais manifestou que o vivido no pleno é demostración da "irresponsabilidade de algunhas formacións políticas como o PP na que todo vale con tal de facer un problema ao goberno local". En concreto, dixo que a actitute do seu voceiro, Borja Verea, demostra que "non lle importa Santiago" e ten interese "en que a Santiago lle vaia mal", de aí que optase por un voto negativo para a aprobación dun pago de facturas dun servizos prestados. "Non sei se quere que Santiago quede sen servizo público", concluíu.

El impago del Concello a los buses urbanos «compromete la prestación del servicio» en Santiago

Pagamento anticipado nos convenios nominativos con entidades sociais

Entre os asuntos aprobados en Xunta de Goberno ordinaria destaca o pagamento anticipado de tres convenios con Cáritas Diocesana, Cociña Económica e ASPANAES con uns importes de 120.000, 70.000 e 10.000 euros, respectivamente.

A maiores aprobáronse 11 convenios nominativos con actividades do terceiro sector para "desenvolver iniciativas diversas que tocan diferentes colectivos no que hai que desenvolver traballo social". A contía total ascende a preto de 320.000 euros.

Entre os convenios aprobados destaca o asinado con Cruz Vermella para o desenvolvemento do Servizo Municipal de Atención ás Urxencias Sociais, ao que se destinan máis de 124.000 euros, case 25.000 euros máis que o ano pasado. Manténse en 60.000 euros a achega municipal para o mantemento do albergue de Xoán XXIII; Proxecto Home recibirá 45.000 euros, e para o programa de Inclusión Promociona que impulsa a Fundación Secretariado Gitano, hai unha partida de 27.000 euros. Logo, en convenio coa USC, destinaranse 20.000 euros para o desenvolvemento do programa de atención bucodental a persoas en risco de exclusión social

Tamén deron luz verde os convenios con Dano Cerebral de Santiago para o seu programa de actividades acuáticas e autocoidado (8.000 euros); a Asociación Compostelá de Esclerose Múltiple, Parkinson, Ela, outras enfermidades neurodexenerativas e enfermedades raras (ACEM) para o seu programa de fisioterapia (12.000 euros); e a Asociación Itínera de Voluntarios en Saúde Mental (9.000 euros). A Asociación de Pais de Persoas con Discapacidade Intelectual (ASPAS) recibirá 6.000 euros para o seu programa de respiro e/ou emerxencia familiar; a Fundación Andrea percibirá 3.000 euros e, por último, a Xunta de Goberno aprobou o convenio coa Escola de Tempo Libre Don Bosco, cunha dotación de 5.000 euros.