A USC segue a falar coa Xunta polo mestrado de Matemáticas

O reitor da Universidade de Santiago (USC) respondeu aos medios sobre o Consello de Goberno que se celebra este xoves en relación coa reclamación da universidade ante a Xunta de Galicia para que se manteña o mestrado de Matemáticas.

Segundo Antonio López, a situación actual da cuestión, da que se dará conta neste consello, é de agarda pola resolución do recurso presentado «contra a denegación da excepcionalidade do máster».

El estudiantado de la USC, en pie de guerra por la desaparición del único máster en matemáticas puras

Aínda así, as negociacións non están paradas, segundo explicou o reitor, que asegura que «segue a haber encontros e contactos institucionais entre persoal da consellaría, a vicerreitoría responsable e o decanato da Facultade de Matemáticas».

López aclara que se trata non só de resolver «o inmediato, ver que pasa neste curso 2025-26», senón tamén de redefinir o curso 2026-27. O reitor explicou á prensa que de cara ao vindeiro curso «a facultade traballou na reformulación do máster», pero a situación actual é «ponte». 

Así e todo Antonio López di que na USC «confiamos en que teña unha solución satisfactoria e teñamos un novo máster en Matemáticas, unha redifinición do mesmo, que veña substituír o actual con algunhas adaptacións, formulacións diferentes na procura de que se matriculasen máis alumnos».