O estudantado da USC debate sobre a participación universitaria e a saúde mental
Este mércores celébrase en Santiago a terceira edición das Xornadas de Convivencia e Formación Universitaria organizada polo Consello do Estudantado
Estudantes da Universidade de Santiago na terceira edición das Xornadas de Convivencia e Formación Universitaria. / Santi Alvite
L.R.
Santiago celebra este mércores a terceira edición das Xornadas de Convivencia e Formación Universitaria, unha actividade que organiza o Consello do Estudantado da Universidade de Santiago para facilitar a integración e formación como parte activa da vida na universidade. No campus de Lugo esa sesión celebrouse o pasado martes 14 de outubro.
O programa dos dous días está integrado por charlas, obradoiros prácticos, formacións e dinámicas participativas arredor de temas clave como os dereitos do estudantado, a participación universitaria, a saúde mental, os primeiros auxilios, a carreira investigadora, as habilidades comunicativas, os recursos para o estudo e moitos outros contidos de interese. Ademais, cóntase coa colaboración de diversas asociacións universitarias.
Membros do Consello do Estudantado da USC durante as Xornadas de Convivencia. / Santi Alvite
A xornada compostelá comezou cunha dinámica de grupo no salón de actos de Ciencias Políticas e Sociais para logo estenderse por diferentes centros do campus universitario.
As xornadas están especialmente pensadas para persoas de primeiro e segundo curso, pero están abertas a todo o estudantado da USC, xa que os contidos e actividades «poden resultar proveitosos para calquera persoa interesada en coñecer mellor a Universidade».
- Una cooperativa de viviendas en Santiago, preseleccionada al Premio Mies van der Rohe entre obras de toda Europa
- Financial Times' sitúa a una empresa con sede en Santiago como referente en Europa
- Subastan dos locales en Área Central de un fondo luxemburgués con bienes en Santiago
- Caótica mañana en la AG-56: un coche es pasto de las llamas y otros seis chocan entre sí
- Santiago elige estos dos días como sus festivos locales en 2026
- Nueva apertura en la ‘milla de oro’ de Santiago: abre una juguetería en Montero Ríos
- La historia del peor asesino de Santiago: cuatro muertos en Marrozos
- Raxoi explicará a los vecinos las nuevas restricciones en la zona vieja que ‘vetan’ negocios turísticos
