A investigación punteira da USC acércase á sociedade: xornada de portas abertas nos centros singulares

Un ano máis, a Rede de Centros Singulares de Investigación da Universidade de Santiago abre as portas á cidadanía o vindeiro sábado 8 de novembro, coa celebración da novena edición de Ciencia Singular. Axornada ofrece a visita ao Centro Singular de Investigación en Química Biolóxica e Materiais Moleculares (CiQUS), ao Centro Singular de Investigación en Medicina Molecular e Enfermidades Crónicas (CiMUS), ao Centro Singular de Investigación en Tecnoloxías Intelixentes (CiTIUS), ao Instituto Galego de Física de Altas Enerxías (IGFAE) ou ao Centro de Investigación Interdisciplinario en Tecnoloxías Ambientais (CRETUS).

Desde as 10.00 da mañá e ata as 20.00 horas, persoas de todas as idades percorrerán estas instalacións científicas para coñecer, da man do persoal investigador, o labor punteiro que se desenvolve neles día a día.

Para participar nas actividades é preciso un rexistro previo, que pode formalizarse na páxina web de Ciencia Singular dende este mércores 29 de outubro ás 16.00 horas. Na propia páxina estarán accesibles os programas e horarios da xornada. Habilitaranse catro quendas de visitas (10.00, 12.00, 16.00 e 18.00 horas). ecg