Que facer hoxe, 1 de abril, en Santiago: da procesión da Humildade a Playmobil Compostela en Área Central

SEMANA SANTA. A Virxe da Humildade procesiona esta tarde desde Santa María do Camiño, a partir das 21.30 horas. O cortexo percorrerá rúas emblemáticas do casco histórico como Casas Reais, Cervantes, Preguntoiro ou A Quintana, onde realizará estación de penitencia na Catedral, antes de regresar ao seu templo. Acompañada pola Banda Municipal de Música de Ribadumia, a procesión encherá de recollimento e solemnidade Santiago.

Playmobil Compostela enche o Outlet Área Central

Playmobil Compostela leva ao Outlet Área Central figuras da infancia con catro dioramas orixinais que recrean o oeste, un safari, a Idade Media e unha cidade actual. A mostra, organizada con PlaymoGalicia, inclúe tamén unha feira de pezas os días 18 e 19 de abril e un concurso de minidioramas aberto a todas as idades. A exposición poderá visitarse ata o 25 de abril, convidando a descubrir detalles curiosos e a participar.

Mostra de Carmela Taboada, Carmen Sampedro, J. Jiménez e Lola Sanz

TAMBRE. A Asociación Área Empresarial do Tambre acolle ata o 9 de abril a exposición colectiva de ARTE 4 das artistas Carmela Taboada, Carmen Sampedro, J. Jiménez e Lola Sanz. A súa proposta colectiva nace do diálogo e do respecto. Son mulleres que aman a arte e queren compar tir o seu tempo e a súa obra cos demais. As catro artistas representan unha parte das súas creacións artísticas que, desde estilos e ópticas moi di ferentes, comparten elementos comúns como a busca constante de linguaxes expresivas que transmiten con forza sensacións e atmosferas. Invitan, a quen contemple as súas obras, a dialogar con elas desde a reflexión, pero sobre todo desde as emocións.

Aberto aos visitantes o Museo Casa de la Troya ata o 5 de abril

PENSIÓN DE ESTUDANTES. O Museo Casa de la Troya, que está accesible ao público durante a Semana Santa e nos meses de verán, xa ten as súas portas abertas. Pode visitarse ata o domingo 5 de abril (incluído). As visitas son guiadas e teñen unha duración de entre vinte e vintecinco minutos, en grupos de quince persoas como máximo. O horario é o habitual, de 11.00 a 14.00 e de 16.00 a 20.00 horas.

O Museo abrirá novamente o 14 de maio, coincidindo coa festividade da Ascensión, para comezar a súa temporada de primavera-verán. O conselleiro de Cultura, Lingua e Xuventude, José López Campos, visitou onte o museo, a vella pensión de estudantes que inmortalizou o escritor Alejandro Pérez Lugín na súa novela homónima. No seu percorrido, o conselleiro estivo acompañado polo director do Museo, Benigno Amor; e polo director xeral de Cultura, Anxo Lorenzo. As entradas son de 3 euros o prezo xeral e de 2 euros o reducido.