Urbanismo
Iago Lestegás participa nun taller na Escola de Arquitectura de Reus
O edil estivo co alumnado de cuarto que realiza traballos sobre diversos ámbitos de Santiago
O concelleiro de Urbanismo, Iago Lestegás, co alumnado de Arquitectura en Reus. / C.S.
Añádenos en GoogleRedacción
O concelleiro de Urbanismo e Vivenda, Iago Lestegás, participou esta semana en Reus nun taller co alumnado da materia de Proxectos e Urbanismo de cuarto curso que desenvolve os seus traballos sobre varios ámbitos de Santiago.
Convidado pola Escola de Arquitectura da Universidade Rovira i Virgili de Reus, coñeceu de primeira man o traballo sobre a zona da explanada de Salgueiriños, a canle do rego do Corgo, a avenida do Restollal, os núcleos do Combarro e Angrois, e o borde occidental da avenida de Romero Donallo, que están levando a cabo nove grupos de estudantes.
Propostas para a reflexión
Para o edil compostelán, «foi unha sesión mo interesante en que os nove equipos de estudantes presentaron candanseus proxectos sobre diferentes ámbitos da cidade que deben ser obxecto de reflexión arquitectónica e urbanística». Unha sesión que se prolongou durante cinco horas e na que houbo catro profesores da escola.
Os traballos presentados tiñan como denominador común a redución do espazo dedicado exclusivamente ao automóvil en vías sobredimensionadas como as avenidas de Romero Donallo, Cruceiro da Coruña e Restollal.
Diferentes proxectos compartían ademais enfoques dirixidos á renaturalización de espazos fluviais, ao coidado do comercio de proximidade e á creación de espazos públicos e equipamentos de calidade.
Interese no urbanismo compostelán
A de esta semana é a terceira visita que realiza o concelleiro Iago Lestegás convidado por unha escola de arquitectura que amosa o seu interés no urbanismo da capital galega.
En outubro de 2024 presentoulle ao alumnado de quinto curso de Urbanismo da Escola de Arquitectura da Universidade de Florencia o modelo de cidade compacta, verde e equitativa que impulsa o Concello de Santiago, e o pasado 22 de abril participou na materia Actuacións Urbanísticas Contemporáneas da Escola de Arquitectura da Coruña, onde o edil compartiu co alumnado a estratexia municipal para mitigar, a través de diferentes ferramentas urbanísticas, os impactos do turismo na vivenda e no comercio.
- Reabre en Santiago una de las cafeterías más queridas del casco histórico: 'Volvemos con la misma ilusión y ganas
- El bar de Santiago premiado como uno de los mejores de España: 'Cuando lo montamos nos decían que era una locura
- La panadería de Santiago que triunfa con su café con flores: 'Estamos vendiendo más flores que pan
- Vuelve la fiesta que hace viajar a Santiago 50 años atrás: verbena, juegos tradicionales, música y magia
- Santiago estrena una nueva conexión con Andalucía con el primer vuelo directo a Jerez de la Frontera
- Buscan figurantes en Santiago para la nueva película de Vaca Films: estos son los requisitos
- Atropello en Rosalía de Castro: dos peregrinas heridas tras perder el control del vehículo un conductor octogenario
- El restaurante más antiguo de Galicia lleva casi dos siglos abierto en Santiago: 'Fuimos ultramarinos, aserradero e incluso hicimos ataúdes
