Programa Galemundo da Xunta
Máis de 70 estudantes da USC mellorarán idiomas no estranxeiro este verán
A Xunta concede bolsas do programa Galemundo a 184 universitarios galegos para realizar cursos presenciais entre xuño e agosto en doce países
Estudantes no Campus Sur da Universidade de Santiago. / Jesús Prieto
Añádenos en GoogleL.R.
Un total de 76 estudantes da Universidade de Santiago (USC) beneficiaranse este verán das bolsas do programa Galemundo da Xunta de Galicia para mellorar os seus coñecementos de idiomas no estranxeiro. A resolución da convocatoria, impulsada pola Consellería de Educación, Ciencia, Universidades e FP, inclúe tamén 53 alumnos da Universidade de Vigo (UVigo), 52 da Universidade da Coruña (UDC) e tres da Universidade Intercontinental da Empresa.
En total son 184 universitarios galegos os que recibirán estas axudas, das que case o 72% corresponden a mulleres, cun total de 132 beneficiarias, fronte a 52 homes. As bolsas ascenden a 1.200 euros para estadías en países europeos e a 1.500 euros para destinos fóra de Europa.
Por ramas de coñecemento, Ciencias Sociais e Xurídicas concentra o maior número de bolseiros, cun 47% do total (87 estudantes). Séguenlle Ciencias da Saúde, cun 17% (30); Enxeñaría e Arquitectura, cun 16% (29); Artes e Humanidades, cun 15% (28); e Ciencias, cun 5% (10).
As persoas beneficiarias realizarán cursos presenciais de idiomas entre o 1 de xuño e o 31 de agosto, cunha duración mínima de tres semanas e polo menos 45 horas lectivas no idioma oficial do país elixido.
Irlanda é o destino preferido, con 49 estudantes, seguida de Malta (32), Reino Unido (28), Canadá (19), Francia (15), Alemaña (14), Italia (13), Portugal (9), China (2), Bélxica (1), Suecia (1) e Xapón (1).
Un programa que permite a mobilidade de máis de 8.000 estudantes este curso académico
O programa Galemundo engloba todas as bolsas da Xunta destinadas á internacionalización educativa e permitirá este curso a mobilidade de arredor de 8.300 estudantes e docentes no estranxeiro. O Goberno galego destina este ano preto de 18 millóns de euros a esta iniciativa, que ten esta iniciativa enmarcada na aposta da Xunta por consolidar a posición de Galicia como referente no plurilingüismo.
- Llegan de Gran Canaria con sus dos hijos de 3 y 4 años para hacer el Camino tras una depresión y acaban siendo 'el aliento' de otros peregrinos
- Muere ahogado en una playa de O Grove Carlos Nieves, histórico concejal del PSOE de Santiago que estuvo 24 años en Raxoi
- Muere a los 85 años de edad Hipólito Rodríguez Visos, fundador de la emblemática empresa Mármoles del Río
- Suspendido el mayor festival de música urbana de Santiago
- Gonzalo Míguez, profesor de Física Atmosférica en la USC: 'Si cambia el clima, tendrá que cambiar nuestra forma de cultivar
- Luis Zahera y Tamar Novas protagonizan la próxima apuesta de Netflix y no es 'Clanes': una película con Santiago muy presente
- «Comer los callos o la cabra era una tradición y también un privilegio»
- Fallece en Santiago Diana Katherine Ramos, la joven que había protagonizado una misteriosa desaparición diez años atrás en Albacete
