Ordes planta medio milleiro de árbores no seu polígono

O Concello de Ordes está a acometer unha labor de reforestación e transformación da nova área de esparcemento situada no polígono industrial de Merelle, nova que coincidía co anuncio do presidente da Xunta para inaugurar o novo albergue xacobeo de Poulo prevista para hoxe, a partir das 10.30 horas.

Respecto da plantación arbórea, será nunha parcela propiedade do Concello que conta cunha superficie de algo máis de 28.500 metros cadrados e que nun breve espazo de tempo quedará a disposición dos ordenses, visitantes e usuarios do polígono industrial.

Os traballos, executados polos integrantes do obradoiro de emprego Brañas do Iló-Río Samo I incluíron o adecentamento e desbroce da súa superficie. Posteriormente repoblouse con árbores de distintas especies autóctonas entre as que non faltan piñeiros do país, acevos, carballos, pradairos, castiñeiros, nogais etc. En total, son medio millar de unidades que foron plantadas cos tratamentos axeitados, de maneira ordenada e cunha zona perimetral marcada con pedras e cáscaras de pinos que resaltan o aspecto ornamental do lugar. Ademais catro sequoias indicarán os catro puntos cardinais. A todo isto hai que engadir a creación de camiños e carreiros para permitir o tránsito de persoas e a rehabilitación da rotonda central.