Santiago
+15° C
Actualizado
lunes, 20 septiembre 2021
00:46
h

Suspéndese o lanzamento de fogos en dous puntos polo risco de incendios

O alcalde anima á cidadanía a gozar das festas con “seguridade e prudencia”

Neste Apóstolo absolutamente atípico pola covid, Raxoi decidiu suspender o lanzamento de fogos desde dous puntos dos oito previstos. A pirotecnia eliminarase esta noite da Granxa do Xesto, na aba do monte Pedroso, e de Monte de Deus, en Vite. Deste xeito, os lugares de lanzamento que seguen vixentes son Santa Susana, parque Carlomagno, en Fontiñas; Praza Luís Pasín; Almáciga, Cidade da Cultura e parque Eugenio Granell, no Restollal.

Na véspera do día do Apóstolo, o alcalde compostelán, Xosé Sánchez Bugallo, queixo animar os composteláns e compostelás a desfrutar das festas, pero sempre con “seguridade e prudencia”. Lembrou que “o virus segue aí”, polo que pregou “manter as distancias e seguir utilizando a máscara”.

A propósito dos fogos desta noite, pediu desculpas, porque “sempre que hai cambios se intenta que haxa o maior número de beneficiarios, pero sempre hai alguén ao que se lle causa algunha molestia ou dificultade”. Indicou que o dispositivo de seguridade está listo e agarda que o espectáculo sirva para “o goce e desfrute da inmensa maioría dos que estamos en Santiago e para transmitir imaxe de certa normalización e confianza para todos os que nos queren visitar”.Sobre os actos institucionais do 25 de xullo, apuntou que tamén “estarán marcados pola nova normalidade”, coa eliminación da revista militar habitual previa á Ofrenda, que este ano realizará o Rei Felipe VI no mosteiro de San Martiño Pinario. Logo da cerimonia, haberá unha “reducida recepción” no Pazo de Raxoi.

24 jul 2020 / 16:19
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.