Toma de posesión do decano de Medicina

REELIXIDO. O Salón de Actos da Facultade de Medicina e Odontoloxía acolle hoxe o acto de toma de posesión do decano deste centro. O catedrático da Área de Cirurxía Julián Álvarez Escudero foi reelixido en setembro de 2021 como decano desta Facultade con 75 votos a favor, 26 en branco e 2 nulos. O acto dará comezo ás 13.00 horas e estará presidido polo reitor da Universidade de Santiago Antonio López. A asistencia presencial estará limitada pola capacidade da sala pero a sesión poderá seguirse en liña. ECG