El Correo Gallego

Noticia 1 de 1 Tecnoloxía

Abanca estrea Apple Pay

Os usuarios de dispositivos de Apple finalmente poden empregalos para pagar con tarxetas de Abanca

MARCUS FERNÁNDEZ  | 24.04.2019 
A- A+

Dende Abanca confirmaron hai uns meses que no mes de maio tiñan previsto que as súas tarxetas bancarias comezasen a operar a través de Apple Pay, pero non haberá que agardar ao mes que vén, e hoxe os principais bancos da rede Euro 6000 incorpóranse á plataforma de pagamentos móbiles de Apple, de xeito que os clientes de tarxetas de Abanca poden facer uso das mesmas a través de iPhone, iPad e Apple Watch. Cómpre salientar que falamos dos clientes particulares de Abanca, xa que Abanca Servicios Financieros aínda figura como unha entidade que incorporará Apple Pay en breve.
Dende a entidade bancaria aseguran que Apple Pay é «o pagamento máis efectivo sen efectivo», ao facilitar a realización de pagamentos electrónicos dun xeito moi áxil e sinxelo. Dende un iPhone podemos premer dúas veces no botón lateral e mirar a pantalla para empregar o Face ID para identificarnos e poder logo pagar achegando o móbil o terminal de pagamento; no caso de termos un smartphone con Touch ID chegaría con aproximar o móbil ao terminal de pagamento co dedo posto no sensor de pegadas dixitais; e no caso do Apple Watch o procedemento aínda sería máis áxil, e chegaría con premer dúas veces no botón lateral e achegar a pantalla do reloxo o terminal de venda.
Apple Pay tamén pode empregarse para realizar pagamentos en aplicacións móbiles (de aí que estea dispoñible para iPad) e incluso a través do navegador web Safari (confirmando os pagamentos coa identificación biométrica do teléfono se non contamos cun ordenador con Touch ID).









Galiofer es un portal de ofertas y descuentos en Galicia. Las mejores ofertas en Salud y Belleza, Hogar, Regalos, Restaurantes, Escapadas...