El Correo Gallego

Tecnoloxía

Oppo aposta pola 5G

Os novos smartphones Oppo Reno3 e Oppo Reno3 Pro sen ter prezos especialmente elevados ofrecen grandes prestacións e conectividade 5G

MARCUS FERNÁNDEZ  | 26.12.2019 
A- A+

Estas datas non son festivas na China, de aí que non cesen as novidades de fabricantes como Oppo, que presenta hoxe os seus novos móbiles Reno3 e Reno3 Pro, que destacan especialmente por contar con conectividade 5G, deixando clara cal vai ser a tendencia entre os móbiles que van chegar ao mercado ao longo de 2020.
O Oppo Reno3 é o terminal máis discreto, cunha pantalla de 6,4 polgadas, procesador MediaTek, 8/12 GB de RAM, 128 GB de almacenamento interno, cámara traseira cuádrupla de 64, 8, 2 e 2 Mpíxeles, cámara frontal de 32 Mpíxeles integrada nunha pequena pestana superior central, Wi-Fi AC, NFC, Bluetooth 5.1, lector de pegadas en pantalla e batería de 4.025 mAh con carga rápida VOOC 4.0, que ten un prezo de 3.399 iuans (438 euros) con 8 GB de RAM, e de 3699 iuans (476 euros) con 12 GB de RAM.
Pero resulta bastante máis atractivo o Oppo Reno3 Pro, cunha pantalla AMOLED Full HD+ de 6,5 polgadas, procesador Qualcomm Snapdragon 765G, 8/12 GB de RAM, 128/256 GB de almacenamento, cámara traseira cuádrupla de 48, 13, 8 e 2 Mpíxeles con zoom híbrido de 5x, cámara frontal de 32 Mpíxeles nunha perforación na parte superior esquerda da pantalla, lector de pegadas en pantalla, Wi-Fi AC, NFC, Bluetooth 5.1, batería de 4.025 mAh e batería de 4.025 mAh con carga rápida VOOC 4.0, que ten un prezo de 3.999 iuans (515 euros) para o seu modelo con 8 GB de RAM e 128 GB de almacenamento interno, e de 4.499 iuans (579 euros) para o modelo con 12 GB de RAM e 256 GB de almacenamento interno.
Uns smartphones dispoñibles en 4 cores distintas, que serven de exemplo do que será a vindeira gama media premium, que chegará a prezos máis axustados nos vindeiros meses a través doutras marcas (lembremos que Realme pertence á mesma matriz de Oppo, pero ten uns prezos moito máis agresivos), polo que os móbiles con altas prestacións e 5G están cada vez máis pretos dos consumidores, mentres que a vindeira xeración de telefonía móbil terá como principal limitación aos operadores de telefonía móbil, que estenderán as infraestruturas 5G dun xeito progresivo durante varios anos, a un ritmo moi semellante ao que puidemos ver co 4G no seu día.