Canto reparador da soidade sen prexuízos

A enxeñeira, recoñecida escritora e activista cultural, María Canosa (Cee, 1978) acaba de nos agasallar co relato As pombas de Bastián, obra ilustrada pola tamén recoñecida Noemí López (Lugo, 1974), publicada na emblemática colección “Merlín” de Xerais e dedicada a Ana e Mariña para que os seus soños voen sempre alto.

Nesta obra protagonizada por Minia e Bastián, a través de quince breves capítulos acompañados por ilustracións de gran sensibilidade, cóntase como unha nena observadora descobre que, detrás da rutineira actividade do vello Bastián, quen a diario lles dá de comer, con esmero, ás súas pombas, hai algo extraño e máxico. Consegue desvelar o que lle falta e facerse a súa amiga. Comparte con Bastián soños, risas, ilusións e aventuras coas que se revisitan actividades vividas e soñadas por ambos. Un fermoso canto evocador e reparador sen prexuízos da soidade a partir dunha forte amizade.

rociopedreira@outlook.es