O Gaiás convértese, até mañá, nun foro formativo sobre world music
Galician Connection, baixo a coordinación de Cristina Pato, concilia nun mesmo evento o espectáculo coa vontade didáctica//O concerto de clausura celebrará o diálogo intercultural
Sete dos grandes mestres da World Music e destacados responsables de festivais internacionais de música reúnense desde onte no marco de Galician Connection. Xornadas internacionais de músicas do mundo, un foro que principiou onte á mañá no Gaiás, coordinado pola artista galega Cristina Pato e coa colaboración especial de Paquito DRivera unha das grandes figuras da música cubana, fundador do grupo Irakere con Chucho Valdés e gañador de doce Grammys.
Galician Connection ofrece desde onte un programa formativo exclusivo con clases prácticas e encontros con grandes mestres da World Music, foros e debates participativos e un concerto de clausura no Museo de Galicia.
ofrece desde onte un programa formativo exclusivo con clases prácticas e encontros con grandes mestres da World Music, foros e debates participativos e un concerto de clausura no Museo de Galicia.
"Serán tres días nos que o Gaiás reunirá a músicos galegos e doutras latitudes para establecer un diálogo cultural creativo a través da música", asegurou onte na presentación o secretario xeral de Cultura, Anxo Lorenzo, durante a apertura do Galician Connection. A directora artística do evento, a gaiteira e pianista Cristina Pato, sinalou que o obxectivo do foro é "establecer relacións" entre diferentes tradicións galegas e a world music para favorecer "unha maior proxección internacional" da música galega.