El Correo Gallego

Noticia 1 de 1 Tendencias | tendencias@elcorreogallego.es  |   RSS - Tendencias RSS

Xesús Rábade deita en ‘Sobre ruínas’ a súa lírica en rebeldía

O escritor publica en Alvarellos unha presada de poemas indóciles, alleos á resignación

Xesús Rábade Paredes, autor de ‘Sobre ruínas’  - FOTO: Gallego
Xesús Rábade Paredes, autor de ‘Sobre ruínas’ - FOTO: Gallego

FRAN P. LORENZO. SANTIAGO  | 28.11.2013 
A- A+

Pouco de submisión e moito de combate para este tempo de derrotas hai nos versos do poemario Sobre ruínas, de Xesús Rábade Paredes, que edita o selo Alvarellos e que esta tarde se vai presentar no Paraninfo da Universidade, ás 19.30 horas. Canda o autor estarán, na vella Facultade de Xeografía e Historia, o editor Henrique Alvarellos, as poetas Rosa Enríquez e Marica Campo, o vicerreitor da Universidade de Santiago, Francisco Durán e a música do pianista Abe Rábade.

Afirmaba W. G Sebald no seu libro Austerlitz, que "os edificios que crecen até o desmesurado proxectan xa a sombra da súa destrución e foron concibidos desde o principio con vistas á súa existencia ulterior como ruínas…". Un espellismo, o da nosa sociedade opulenta e desenvolvida, que ergueron, para logo devastalo, os poderes políticos e económicos. Xesus Rábade sáese da sombra, tamén do espellismo, para compilar aquí uns versos poderosos, que son a cifra máis clara da súa lírica en rebeldía.

Más información en El Correo Gallego (edición papel) y en Orbyt