Para saber máis: libro-obxecto e patrimonio(s)

Xa temos nas mans a monografía intitulada Literatura infantojuvenil:Livro-Objeto e patrimóni(os) (Porto: Tropelías&Companhia, col. Percursos 20/Universidade de Évora), coordinada por Cláudia Sousa Pereira, profesora e investigadora da Universidade convocante.

Nela acóllense doce traballos de investigadoras da iberofonía repartidos en tres bloques: memoria, documento/monumento e leitura literaria, saber facer patrimonial. Un conxunto de reflexións que achegan, por medio do libro-obxecto e da LIX, parte do patrimonio inmaterial dos ámbitos lingüÍsticos, a mediadores e lectores novos e menos novos.

Entre os traballos destacamos os realizados polas galegas: Marta Neira e Blanca-Ana Roig sobre Libro infantil e patrimonio, o camiño de Santiago: marco educativo e literario e o de Isabel Mociño e Eulalia Agrelo Vellas voces e novas materialidades: libro-obxecto e celebracións populares galegas.

m.fboo@udc.es