Un ano na Silveira de Kiko da Silva contado polo seu autor
O 25 de xullo de 2019, foi a data que escollín para publicar a miña primeira viñeta en EL CORREO GALLEGO. Facíao no día Patria/Matria Galega, criticando a perda de galego-
falantes, e a precariedade laboral ao que está abocada moita da xuventude a pesar de ter moitos deles estudos universitarios.
Tras case 17 anos facendo humor gráfico diario, EL CORREO brindoume a oportunidade de facer humor gráfico tal e como eu cría que podía facelo. Creei A Silveira, especialmente para a páxina 2 do xornal, cun formato cadrado e cunha tonalidade amarela en homenaxe as viñetas de Castelao. Pouco a pouco a sección foi collendo forma por si mesma e evoluíu hacia un acabado máis pictórico e un debuxo máis realista. Pero as homenaxes ao mestre Castelao e á retranca galega, seguen a ser unha constante.
Foi un ano intenso, por primeira vez vía unha viñeta miña na portada de ECG, e non só unha vez senon dúas, xa que tiven o privilexio de facer a capa do histórico número 50.000. Pero tamén foi un ano marcado pola pandemia da covid-19 que estamos a sufrir, nunca fixen tantas viñetas seguidas dun mesmo tema, 135 viñetas actualmente.
Fixen unha selección de 9 viñetas que resumen as 363 publicadas, para facer unha panorámica do que supuxo este ano publicando diariamente con total liberdade, algo pouco habitual hoxe en día na prensa escrita.
Agradezo a esta Casa a confianza no meu traballo e aos lectores e lectoras que compartades por redes sociais as miñas viñetas todos os días. Eu xa teño o lapis preparado para facer medrar A Silveira moitos anos máis, se o 2020 me deixa.