Luma Gómez, Premio de Honra da Fundación Aisge no OUFF 2021

Ourense. A nova edición deste ano do Ourense Film Festival (OUFF) que se desenvolverá entre o 24 de setembro e o 2 de outubro, organizado pola Fundación Carlos Velo co apoio principal da Deputación de Ourense, será o escenario no que a actriz galega Luma Gómez reciba o Premio de Honra a toda unha traxectoria da Fundación Aisge en recoñecemento a súa ampla traxectoria no mundo da interpretación. Coa entrega deste galardón un ano máis, a Fundación Aisge renova o seu compromiso co certame ourensá. Nas últimas edicións, o premio entregado no OUFF recaeu nas figuras de Mabel Rivera (2018), María Bouzas (2019) e Rosa Álvarez (2021). Luma Gómez foi unha das figuras pioneiras da interpretación en Galicia. ECG