Residente no Milladoiro, solteira, que tres cousas faría en favor dos veciños?
Pois faría un camiño seguro para que os nenos do municipio puidesen ir ata os colexios e mais ás escolas apartados do tráfico e de xeito seguro. A maiores construiría un carril bici para que a cantidade tan grande de ciclistas que temos no concello e todos os que fan o Camiño de Santiago puidesen transitar sen a necesidade de verse envoltos no agobiante tráfico que ten a nosa vila. E por último, apostaría por facer centros de formación profesional para que os adolescentes non se viran obrigados a desprazarse ata Santiago para poder formarse nas diversas familias profesionais.
Que é o mellor de vivir no concello de Ames?
O mellor de vivir no Milladoiro é sen dúbida algunha a boa localización, xa que atópaste moi preto do centro de Santiago e contas con todos os servizos dunha gran cidade sen a necesidade de terte que desprazar a outras vilas, salvo para algunhas cousas concretas, como poden ser mercar roupa, ir ao cine ou demais aspectos ociosos.
E o que peor leva?
O que menos me gusta de residir aquí é a gran cantidade de zonas sen construír que aínda temos por toda a cidade. Afean moito e dan un aspecto desagradable á vila fronte ó turismo.