Inclúe recreacións da casa de Papá Noel e a Feira de Santa Lucía, a decoración dun lavadoiro ou a promoción da Ruta, entre os traballos galardoados TEXTO. S. E.
#SilledafaiNadal premiou o inxenio en barrios, casas, balcóns e portais
Concursos
S.E.
2023/01/0301:00H.
A veciñanza da praza Mestre Mateo recreou a Feira de Santa Lucía e levou o primeiro premio en colectivos
Na categoría colectiva o primeiro premio (1.000 €) é para a veciñanza da praza Mestre Mateo de Silleda, pola súa Feira da Santa Lucía. O segundo (700 euros) recaeu na Asociación Socio Cultural de Cortegada, cunha orixinal recreación da casa de Papá Noel na carballeira de Camporrapado. O terceiro, dotado con 500 euros, é para un grupo de nenos e nenas de Aldea Grande, en Saídres que decoraron o lavadoiro da localidade. Na categoría colectiva, tamén se outorgou unha mención especial ao Barrio das Baratas, –gañadores das dúas edicións anteriores– pola súa vistosidade e a promoción do Camiño de Santiago.
Na individual, a proposta gañadora (500 €) foi novamente a de Nerea Costa Alonso, pola decoración da sua vivenda en O Pereiro, Laro. O segundo premio foi para Alexia Ferro (300), e o terceiro para o balcón de Naiara Peña Conde na rúa Carballeira do Chousiño (175 €).
No xurado participaron membros da Asociación Cultural Vista Alegre, da Asociación Sociocultural Coto do Castelo de Graba, e da ANPA Musiquiños, aos que dende o Concello de Silleda se lles agradece tamén a súa colaboración. Os premios entregaranse esta semana nun acto que acollerá a casa consistorial.