A Deputación da Coruña recupera no verán os cursos de vela e windsurf
REGRESO Un total de 240 nenos poderán participar nos cursos de iniciación de vela e de windsurf que a Deputación da Coruña recupera este verán despois de ser suspendidos no ano 2020 por mor da pandemia.
Anunciou a nova a deputada provincial de Deportes, Cristina Capelán, ademais de detallar que participarán os concellos de Cariño, Mugardos, Pontedeume, Ponteceso, Dumbría e Rianxo.
Os cursos están dirixidos a rapaces de entre nove e dezaoito anos de idade, e desenvolveranse durante cinco días en quendas de mañá e de tarde. Comezarán o 5 de xullo e finalizarán o 13 de agosto. REDACCIÓN