Máis de tres millóns da Deputación da Coruña ao deporte

Santiago. A Deputación da Coruña convoca cinco liñas de subvencións a entidades da provincia que suman máis de tres millóns de euros. En 2021, un total de 513 persoas e entidades beneficiáronse das súas aportacións.

Así, a Deputación sufragará o fomento do deporte base e a actividade física; a clubes que compiten a nivel local, provincial, autonómico, nacional ou internacional; os grandes eventos; e infraestruturas e equipamentos.

Ademais, uns cen mozos da comarca de Compostela atópanse estes días na estación asturiana de Valgrande-Pajares dentro da Campaña de Esquí 2022 da que se beneficiarán uns 600 rapaces de 11 a 15 anos de idade. REDACCIÓN