Abren as votacións para a mellor foto do SexualizArte

Certamen de fotografía
M. Outeiro
Unha das imaxes que optan ao certame SexualizArte do Concello de Ames. Foto: CDA

ames. A concellaría de Mocidade amesá anima a votar polas mellores imaxes do I Concurso de fotografía SexualizArte, dirixido a mozos de entre 18 e 30 anos. As imaxes que participaron xa están publicadas no instagram @omixames, e todos os seguidores da conta poderás dar like a instantánea preferida ata o vindeiro día 14 de setembro.

Aquelas fotos con máis likes serán as gañadoras dun certame que busca as mellores fotografías relacionadas coas diferentes realidades e vivencias en torno á sexualidade, facendo fincapé na diversidade de corpos, identidades, orientacións, desexos, expresións, afectos e eróticas. Forma parte dun amplo programa impulsado pola concellaría de Mocidade co que se pretende inculcar a toda a mocidade de Ames unha sexualidade positiva e saudable [con]sentido. O primeiro premio consiste nunha cesta de produtos e xoguetería erótica por valor de 180 € e o segundo, noutra cesta de 70 €. m. outeiro