Pais de Cacheiras acadan melloras no transporte do instituto

Os representantes da ANPA do Instituto de Cacheiras valoran positivamente a reunión mantida co representante de Monbus na área de Santiago para abordar os retrasos dos autobuses, aínda que pensan que quedan asuntos por mellorar.

Así, dende a compañía aseguráronlles que xa quedou eliminado o único desdobre que quedaba á saída do instituto, e tamén comprometeuse a buscar unha rápida solución para eliminar tamén o desdobre de pola mañá desa mesma ruta. Ademais, van estudar a ruta das liñas 2/10 para garantir que todos os rapaces teñan asento. “A directiva da Anpa agradece a boa predisposición da empresa, aínda que seguimos adiante coa mobilización para esixir o cumprimento completo da concesión”, apuntan ao fío da protesta desnvolvida na tarde deste mércores.

Manifestaronlle o seu respaldo os membros da Corporación e, precisamente, dende o BNG afirman que “os buses son insuficientes para prestar o servizo e o estudantado ten que agardar vaian chegando novos buses”, e lembran que este mércores “sairon da clase ás 14.10, o último bus chegou ás 14.55 horas”.