Volve o mercado de rúa de Bertamiráns ata os arredores do concello
Ames. Volve o mercado de rúa ao entorno ca casa do concello de Ames, en Bertamiráns, este sábado despois de cinco meses reubicado no entorno da Galiña Azul. E incluirá as rúas Ameneiral e Entrerríos, así como a praza do Concello, para poder cumprir as medidas de distancia e seguridade que dita o regulamento da Xunta de Galicia na loita contra a pandemia.
O mercado de rúa de Bertamiráns, despois do confinamento, localizouse temporalmente na rúa do Sar, un emprazamento con dous carrís, sen construcións aos lados, que permitiu levar a cabo correctamente a actividade tal e como obrigan as normas sanitarias e dita o regulamento autonómico do 12 de xuño de 2020, sobre medidas de prevención necesarias para facer fronte á covid, pero que non convenceu nin a ambulantes, nin aos veciños nin a comerciantes da zona, aínda que o Concello insiste en que consensuouse cos venderores e a patronal XEA.
Agora o tripartito cre que, coa chegada do outono, o comercio ambulante “precisa para o desenvolvemento óptimo da súa actividade localizacións que o protexan das inclemencias meteorolóxicas e a rúa do Sar non cumpre os requisitos de gorecer o mercado do vento e a chuvia”.
A actual ampliouse despois dunha votación na que a idea arrasou. o.d. vilar