Demandan que se dote cun quitamedos un tramo perigoso da estrada de Lires
O portavoz do BNG de Cee, Serxio Domínguez, asegura que “debido a corta de árbores en propiedades privadas preto do polideportivo de Lires, xunto ao transformador eléctrico en dirección Cee, nestes intres a estrada presenta un aspecto perigoso en caso de accidente ou saída de vía dun vehículo”. O importante desnível de varios metros de altura, engade, “poden supór que un contratempo leve a calquera vehiculo a caer até a vía que vai a praia e a igrexa, o que claramente pode supór a perda de vidas humanas”.
Até o momento da corta das citadas árbores, estas facían a laboura de contención en caso de incidentes, “mais agora sen elas o perigo aumentou exponencialmente, polo que desde o BNG solicitamos a colocación dun quitamedos que sirva de protección ante casos como os citados”.