Carballo acolleu o Encontro da Economía Alternativa e Solidaria
Celebrou a súa quinta edición no Casino 1889
O Casino 1889 de Carballo acolleu este sábado o quinto Encontro da Economía Alternativa e Solidaria no que se afianzou por parte dos participantes o compromiso de crear este ano o Mercado Social Galego, unha rede de produción, distribución e consumo que xa funciona noutras comunidades. O acto acolleu tamén micropresentacións de entidades e dous debates de actualidade.
O encontro foi organizado pola Rede de Economía Alternativa e Solidaria (REAS), que representa a máis de 800 entidades en diferentes territorios, que levan nos seus principios reguladores a responsabilidade social corporativa, o coidado dos dereitos humanos sociais e laborais, a sostibilidade ambiental e o compromiso co desenvolvemento local.