O campamento de Nadal de Frades dura ata o 5

Frades. Xa arrancou o campamento municipal de Nadal do Concello de Frades, que se desenvoverá ata o vindeiro día 5 e que reúne a un total de 32 nenos e nenas en idade escolar. Trátase dun programa de conciliación da vida laboral e familiar ten lugar no CPI de Ponte Carreira e que está organizado polo Concello, en colaboración coa Xunta de Galicia e a Deputación da Coruña. Nestes días de vacacións, a rapazada está a desfrutar de xogos, obradoiros, contacontos, actividades deportivas e de moitas outras sorpresas de Nadal. c.e.