Sorteo en Melide dunha vivenda de promoción pública en Cándido Paz

Melide. A Xunta de Galicia realizou onte o sorteo ante notaría dunha vivenda de promoción pública (VPP) no concello de Melide. Concretamente, trátase dunha casa que xa fora adxudicada con anterioridade e que agora se volve adxudicar unha vez que volveu a mans do Goberno galego. A residencia, emprazada na rúa José Cándido Paz Ares número 4, dispón de tres dormitorios, cunha superficie útil total de 79,32 metros cadrados. Ademais, conta cunha praza de garaxe e rocho.

No sorteo para proceder á súa adxudicación entraron todos os solicitantes de vivenda protexida inscritos en Melide no Rexistro de Demandantes de Vivenda.

De entre todos eles, seleccionáronse cinco, e quedaron en lista de agarda para futuras vacantes todas aquelas persoas seleccionadas que finalmente non resultaron adxudicatarias desta vivenda. C.G.