Mira aquí o mapa de restricións por concellos en vigor desde este venres
Pontecesures, Paradela, A Pobra de Brollón, Boborás, A Mezquita e Vilardevós son os que terán as limitacións máis severas, e outros 13 estarán no grupo de restricións de rango alto
SANTIAGO. O comité clínico que fai seguimento da evolución da covid en Galicia vén de propoñer, na súa reunión deste martes, que os concellos que teñan o nivel de restricións máximas sexan os de Paradela, A Pobra de Brollón, Boborás, A Mezquita, Vilardevós e Pontecesures. No nivel alto de restricións quedarán os de Soutomaior, Ponte Caldelas, Vilanova de Arousa, Mos, Cambados, Guitiriz, Lourenzá, Chantada, Mugardos, Cariño, Arteixo, Miño e Sobrado. O resto dos municipios galegos quedan en nivel medio. Estas medidas entrarán en vigor ás 00,00 horas do venres día 12 de marzo.