Os estudantes de FP, contentos de volver ás clases presenciais

Galicia entra xa, mañá mesmo, na fase 2 de desescalada e a rapazada estudante de Forma-ción Profesional pode voltar de maneira voluntaria ás aulas. Isto é algo que previamente o alumnado xa desexaba, porque tiñan claro que, de non dar agora os contidos que lles quedaban para o 3º trimestre, xuntaríaselle con toda a materia do seguinte curso. Aínda que, todo hai que dicilo, esta opción é, se cabe, máis beneficiosa para o primeiro ano deste tipo de formacións, xa que adoita ser sempre o máis teórico. As solucións que lle deron para a avaliación do seu derradeiro e telemático trimestre, consideran, son as axeitadas, xa que facilitan o transcurso do curso pero non dificultan a superación deste para quen conte con dificultades tecnolóxicas ou mesmo persoais.