Alertan contra unha mancha de gasóleo preto do peirao de Corcubión

Corcubión. Responsables de Sempre Corcubión alertaron onte da aparición dunha mancha de gasóleo moi preto do peirao da localidade coruñesa de Corcubión. A formación política, que lidera Alfredo González, reclama nun comunicado feito público que se adopten canto antes medidas para a eliminación do gasóleo e que se abra unha investigación “para ver de donde procede o verquido e tomar as medidas oportunas” para así “evitar estes derrames con sancións, sobre todo aqueles que o axente provocador non active a voz de alarma para aminorar os seus efectos”, aseguran. Non é a primeira vez que se denuncian este tipo de verquidos e Sempre Corcubión entende que “xa é hora de actuar con firmeza ante estes atentados ao medio mariño” e ante as consencuencias que supón para as persoas e para a propia pesca. arca