Ribeira abre o martes o seu Museo do Gravado

APERTURA DA EXPOSICIÓN ‘BARBANTIARTE VII’. O Museo do Gravado de Ribeira, que dirixe Pastor Rodríguez, abrirá ao público cun tercio do seu aforo o próximo martes, día 26, no seu horario habitual, de martes a sábado, de 09.00 a 16.00 (os festivos, de 10.00 a 13.00), pechando os domingos e os luns. Poderá visitarse ata o 26 de xuño a mostra BarbantiaRte VII, que reúne a 80 artistas de todas as disciplinas e que ocupa dúas salas do museo. A seguinte que se vai realizar é a do artista noiés Xosé Luís Veiras Manteiga, titulada 1972 Antolóxica 2019. Abrirase ao público o día 3 de xuño ás 20.30 horas e poderá visitarse ata finais de agosto. Ocupará as 3 salas do complexo e recolle gravados litográficos, plumiña, tintas, óleo e técnicas mixtas.