García Comesaña advirte: “A desescalada está en perigo”
Pecharanse a partir da medianoite parques, prazas e praias para evitar os botellóns. O conselleiro de Sanidade afirma que “non se pode asociar o incremento de casos á apertura do ocio nocturno”
O conselleiro de Sanidade, Julio García Comesaña, comparece ante os medios de comunicación para detallar os acordos adoptados na reunión do comité clínico de onte. Nela estableceuse o nivel alto de restricións para os concellos de Sarria, Cambados, A Illa de Arousa, Vilanova de Arousa e Vilagarcía de Arousa.
Ademais, as medidas do nivel medio serán de obrigado cumprimento nos concellos de Culleredo, Ribadavia, Ourense, Barbadás, Caldas de Reis, Poio, Pontevedra, Marín, Redondela e Salceda de Caselas.
Todas estas medidas entrarán en vigor ás 00:00 horas do vindeiro sábado, 10 de xullo.