Operarios de ambulancias en Ferrol denuncian sanción a un compañeiro
Foi suspendido de emprego e soldo por un choque co transporte sanitario // Sindicatos tamén lamentan falta de seguridade ante a Covid
Ferrol
Patricia Hermida
2020/09/1420:59H.
CATABOIS. Operarios das ambulancias de Ferrol, na protesta en apoio ao traballador sancionado. Foto: Torrente
O pasado 6 de xullo, un traballador da empresa que leva a atención do 061 en Ferrolterra sufría un lixeiro choque cando conducía unha ambulancia. A raíz deses feitos, a empresa Servizos Sanitarios do Cantábrico decidía suspendelo durante seis días de emprego e soldo. O persoal decidía mobilizarse onte contra esa sanción. Segundo o afectado, Carlos Montero, “levo aquí 24 anos e nunca foi ninguén sancionado por golpear unha ambulancia... ata o meu caso”.
Tanto Montero, que foi delegado da CIG, como o comité consideran que se trata dunha represalia por sinalar falta de seguridade na empresa. Como indica Beatriz Fernández, representante da CIG, “houbo problemas co lavado de roupa ou de recollida de lixo” en material usado con enfermos de coronavirus.